Malësia/Malesija Open 2026 përfundon me sukses edicionin e parë
Edicioni i parë i turneut të tenisit Malësia/Malesija Open 2026 u përmbyll me sukses, duke sjellë ditë të mbushura me sport, konkurrencë të ndershme dhe atmosferë të jashtëzakonshme për pjesëmarrësit dhe spektatorët.
Turneu mblodhi tenistë nga Malësia dhe rajoni, të cilët gjatë gjithë garës dhuruan ndeshje cilësore, emocione sportive dhe momente të paharrueshme. Aktiviteti shërbeu jo vetëm si një garë sportive, por edhe si një mundësi për promovimin e tenisit dhe forcimin e frymës së bashkëpunimit brenda komunitetit.
Në kategorinë Singles, vendin e parë e fitoi Balsa Pajović, ndërsa në vendin e dytë u rendit Driton Gjokaj, pas paraqitjeve mbresëlënëse gjatë gjithë turneut.
Në kategorinë Doubles, titullin e kampionëve e fituan Driton Gjokaj dhe Aleks Dedvukaj, ndërsa vendin e dytë e zunë Viktor Gjelaj dhe Ayla Elkatmiş.
Organizatorët shprehin mirënjohjen e tyre të sinqertë për të gjithë pjesëmarrësit, vullnetarët dhe publikun që me praninë dhe mbështetjen e tyre kontribuan në suksesin e këtij eventi sportiv. Një falënderim i veçantë i dedikohet mbështetësve tanë, Dedvukaj Vineyard dhe Hausbrandt, për përkrahjen dhe kontributin e tyre të çmuar, të cilët ndihmuan në realizimin me sukses të këtij turneu dhe në krijimin e kushteve të shkëlqyera për të gjithë pjesëmarrësit.
Malësia/Malesija Open 2026 shënoi fillimin e një tradite të re sportive në Malësi, duke krijuar një platformë ku sporti, miqësia dhe komuniteti u bashkuan në një ngjarje të vetme. Suksesi i këtij edicioni të parë është një motivim i madh për organizimin e aktiviteteve edhe më të mëdha në të ardhmen.
Shihemi në Malësia/Malesija Open 2027!
